Monday 29th June 2020
ប្រធានក្រុមប្រឹក្សាភិបាលទូរគមនាគមន៍កម្ពុជា បានអញ្ជើញចូលរួមធ្វើការប្រគល់-ទទួលរថយន្តចំនួនពីរគ្រឿង ជូនទៅនាយកដ្ឋានគ្រប់គ្រង និងថែទាំបណ្តាញអតិថិជន និងសាខាទូរគមនាគមន៍កម្ពុជាខេត្តកណ្តាល
រាជធានីភ្នំពេញ៖ ព្រឹកថ្ងៃច័ន្ទ ៩កើត ខែអាសាឍ ឆ្នាំជូត ព.ស ២៥៦៤ ត្រូវនឹងថ្ងៃទី២៩ ខែមិថុនា ឆ្នាំ២០២០ នៅក្នុងបរិវេណស្នាក់ការកណ្តាលនៅរាជធានីភ្នំពេញ ឯកឧត្តម ជា មានិត រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមប្រឹក្សាភិបាលទូរគមនាគមន៍កម្ពុជា ព្រមទាំងឯកឧត្តម សន វី ប្រតិភូរាជរដ្ឋាភិបាលទទួលបន្ទុកជាអគ្គនាយកទូរគមនាគមន៍ បានអញ្ជើញចូលរួមធ្វើការប្រគល់-ទទួលរថយន្តចំនួនពីរគ្រឿង មួយគ្រឿងជូនទៅ នាយកដ្ឋានគ្រប់គ្រង និងថែទាំបណ្តាញអតិថិជន និងមួយគ្រឿងទៀតជូនទៅសាខាទូរគមនាគមន៍កម្ពុជាខេត្តកណ្តាល សម្រាប់បម្រើសេវាអោយមានគុណភាពល្អ កាន់តែមានទំនុកចិត្តខ្ពស់ពីសំណាក់អតិថិជន។
