ឯកឧត្តមប្រធានក្រុមប្រឹក្សាភិបាលទូរគមនាគមន៍កម្ពុជា អាណត្តិទី៦ បានអញ្ជើញដឹកនាំកិច្ចប្រជុំស្តីពីការស្ថាបនាបណ្តាញកាប្លិ៍ និងការងារអាជីវកម្ម តាមរយៈវីដេអូ zoom

រាជធានីភ្នំពេញ៖ ព្រឹកថ្ងៃច័ន្ទ ៧កើត ខែបុស្ស ឆ្នាំជូត ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ ឯកឧត្តម ជា មានិត រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមប្រឹក្សាភិបាលទូរគមនាគមន៍កម្ពុជា អាណត្តិទី៦ បានអញ្ជើញដឹកនាំកិច្ចប្រជុំតាមរយៈវីដេអូ Zoom ស្តីពីការស្ថាបនាបណ្តាញកាប្លិ៍ និងការងារអាជីវកម្ម ដោយមានការអញ្ជើញចូលរួមពីសំណាក់លោកអគ្គនាយករង ព្រមទាំងអស់លោក លោកស្រីជាថ្នាក់ដឹកនាំនាយកដ្ឋាន និងអង្គភាពចំណុះទូរគមនាគមន៍កម្ពុជា ជាច្រើនរូបផងដែរ។ កិច្ចប្រជុំបានផ្តោតលើការរៀបចំបណ្តាញប្រកបដោយគុណភាព និងការយកចិត្តទុកដាក់ខ្ពស់ចំពោះអតិថិជន ដោយការផ្តល់សេវាកម្ម និងគុណភាព កិច្ចប្រជុំបានពិភាក្សាយ៉ាងហ្មត់ចត់ និងយកចិត្តទុកដាក់ខ្ពស់ ប្រកបដោយភាពទទួលខុសត្រូវ ដើម្បីបំពេញតម្រូវការអតិថិជនរបស់ទូរគមនាគមន៍កម្ពុជា៕