Tuesday 22nd December 2020

ឯកឧត្តមប្រធានក្រុមប្រឹក្សាភិបាលទូរគមនាគមន៍កម្ពុជា អាណត្តិទី៦ បានអញ្ជើញដឹកនាំកិច្ចប្រជុំស្តីពីការរៀបចំសេវាសម្រាប់អតិថិជន តាមរយៈវីដេអូ zoom

រាជធានីភ្នំពេញ៖ ព្រឹកថ្ងៃច័ន្ទ ៨កើត ខែបុស្ស ឆ្នាំជូត ព.ស.២៥៦៤ ត្រូវនឹងថ្ងៃទី២២ ខែធ្នូ ឆ្នាំ២០២០ ឯកឧត្តម ជា មានិត រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមប្រឹក្សាភិបាលទូរគមនាគមន៍កម្ពុជា អាណត្តិទី៦ បានអញ្ជើញដឹកនាំកិច្ចប្រជុំតាមរយៈវីដេអូ Zoom ស្តីពីការរៀបចំសេវាសម្រាប់អតិថិជន ដោយមានការអញ្ជើញចូលរួមពីសំណាក់អស់លោកជាថ្នាក់ដឹកនាំនាយកដ្ឋាន និងអ្នកជំនាញជាច្រើនរូបផងដែរ។ កិច្ចប្រជុំបានផ្តោតលើការរៀបចំសេវាសម្រាប់បំពេញតម្រូវការអតិថិជន ដោយបានពិភាក្សាយ៉ាងហ្មត់ចត់ និងយកចិត្តទុកដាក់ខ្ពស់ ប្រកបដោយភាពទទួលខុសត្រូវ ដើម្បីបំពេញតម្រូវការអតិថិជនរបស់ទូរគមនាគមន៍កម្ពុជា៕